2021-05-01 賽事捷報

每年舉辦一次嘅香港田徑錦標賽喺今個周末進行，恭喜Crystal教練喺女子1500米奪得冠軍並成功打破個人最佳兼衝破5分大關，以4分58秒29完成賽事。

Crystal表示上星期好有信心挑戰1500m 5分內，一直按教練俾嘅圈速進行，點知到最後一圈爆哂計，以5:00.01挑戰失敗，決心下星期一定要突破！

經過一星期調整，本來都信心滿滿，突然有人👩🏻定期探訪，令佢身體感覺好一般，加上生活有啲轉變，已經冇上星期咁有衝勁。

Crystal同自己講順其自然吧，「命裏有時終須有，命裏無時莫強求」，有上次經驗，今日天氣熱，每圈比上次慢半秒至一秒，感覺一直順，到最後有力再加速，估唔到一直覺得好難嘅1500m 5分內同👩🏻一樣黎得咁突然，佢覺得下次應該可以再快啲。

下回再戰！