2021-08-29 賽事捷報

/

今日喺天水圍天影路舉行嘅新鴻基地產香港十公里錦標賽2021，男女子組分別喺早上六時半起陸續起步，呢個舉辦多年嘅賽事，喺疫情下事隔接近兩年終於得以進行，相信一眾跑手都期待左好耐。

恭喜Crystal及Leanne教練分別奪得女子個人全場總冠軍🥇及總季軍🥉

喺炎熱嘅天氣下要跑到好成績真係唔容易，恭喜所有完成賽事嘅選手，希望10月渣馬能令更多跑手展現自己喺疫情下努力練習嘅成果，大家加油！

2021-05-01 賽事捷報

/

每年舉辦一次嘅香港田徑錦標賽喺今個周末進行，恭喜Crystal教練喺女子1500米奪得冠軍並成功打破個人最佳兼衝破5分大關，以4分58秒29完成賽事。

Crystal表示上星期好有信心挑戰1500m 5分內，一直按教練俾嘅圈速進行，點知到最後一圈爆哂計，以5:00.01挑戰失敗，決心下星期一定要突破！

經過一星期調整，本來都信心滿滿，突然有人👩🏻定期探訪，令佢身體感覺好一般，加上生活有啲轉變，已經冇上星期咁有衝勁。

Crystal同自己講順其自然吧，「命裏有時終須有，命裏無時莫強求」，有上次經驗，今日天氣熱，每圈比上次慢半秒至一秒，感覺一直順，到最後有力再加速，估唔到一直覺得好難嘅1500m 5分內同👩🏻一樣黎得咁突然，佢覺得下次應該可以再快啲。

下回再戰！

2021-04-27 賽事捷報

/

早兩日喺小西灣運動場及聯校運動中心分別舉行左香港田徑系列賽二及大專田徑賽，獲獎成績如下：

系列賽二

Joey(WeMAN) - 女子800米冠軍🥇

Crystal教練 - 女子5000米冠軍🥇

Pinky(WeMAN) - 女子5000米季軍🥉

大專田徑賽

Alan教練 - 男子800米亞軍🥈

今日賽程緊密，但一眾教練及同學都有出色發揮，希望未來喺條件可行下大家有更多比賽機會。

加油呀💪🏼

public.jpeg

2021-04-09 賽事捷報

/

在2月27日至3月31日舉行的十二峰越野賽(The 12 Peaks)以線上跑形式進行，參加者在活動期間會在麥理浩徑指定路線跑畢賽道並用應用程式記錄路線及時間。

本會多位同學都有參與賽事，當中喺56公里Women Group，來自銅2班嘅Jo及來自青衣2班和越野班嘅Elsa分別奪得第七名及第十名，佢哋都能夠喺11小時內完成賽事。

相當厲害，恭喜兩位同學！

public.jpeg

2021-03-28 賽事捷報

/

昨日及今日喺將軍澳運動場舉辦左香港田徑系列賽2021 - 系列賽一，喺疫情下，賽事不設觀眾入內，每組賽事亦限制左參賽人數，令出賽門檻都高左。

本會幾位教練及WeMAN隊員參加左唔同項目，獲得唔錯嘅成績，得獎名單如下：

教練：

Crystal 女子5000米亞軍

Alan 男子400米亞軍

麟 男子3000障礙賽亞軍

Hero 男子U20 1500米季軍

WeMAN：

Pinky 女子1500米冠軍

Sum 女子1500米亞軍

恭喜各位教練，亦都恭喜WeMAN隊員。大家仲有進步空間，狀態亦有待提升，要繼續努力，喺疫情後各項賽事回復正常時大放光芒！

public.jpeg

2021-03-21 賽事據報

/

久違了的賽事捷報，呢兩日喺小西灣運動場舉行左季前田徑測試賽2021，喺疫情下能夠有賽事成功進行實在得來不易。

兩日賽事中，本會有數位教練及成員參與賽事，當中女子10000米 Crystal 屈旨盈 教練以37分59秒完成，成為賽事唯一一位40分時限完成的參賽者。而WeMAN成員Sum女在女子1500米以5分26秒第三位完成，今次係佢初次參與嘅公開田徑賽事。

隨著2021年第一個賽事舉辦成功，希望呢個係一個好開始，之後疫情盡快完結，陸續會有比賽讓大家一展身手。

public.jpeg